Oes unrhyw un o’r busnesau canlynol yn cludo’ch gwastraff i ffwrdd?

• Adeiladwyr	• Seiri Coed ac Asiedyddion
• Trydanwyr	• Gosodwyr Ceginau, Ffenestri a Charpedi
• Plymwyr	• Peintwyr ac Addurnwyr
• Towyr	• Garddwyr a Thorwyr Coed
• Clirwyr Tai	• Casglwyr Olew Gwastraff
• Llogi Sgipiau	• Delwyr Metel Sgrap

Un o’r prif ffyrdd y gall y cyhoedd helpu i ymladd yn erbyn tipio anghyfreithlon yw trwy ofyn i ble mae’ch gwastraff yn mynd. Os bydd eich gwastraff yn cael ei ddarganfod wedi ei ddympio yna fe allech chi gael eich dirwyo.

Os ydych yn rhoi’ch gwastraff i rywun arall, yna rhaid i chi ddefnyddio cludydd sbwriel sydd â’i fusnes wedi ei gofrestru gydag Asiantaeth yr Amgylchedd. Gofynnwch i’r cludydd ddangos prawf i chi eu bod wedi eu cofrestru i gario gwastraff. Os oes gennych unrhyw amheuaeth, ffoniwch Asiantaeth yr Amgylchedd ar 08708 506 506. Gallwch ddod o hyd i’r cludwyr cofrestredig yn eich ardal trwy fynd i wefan Asiantaeth yr Amgylchedd.

 

 

Mae awdurdodau lleol yn cynnal safleoedd ‘Amwynderau Dinesig’, lle gallwch fynd â gwastraff i gael ei ailgylchu neu ei waredu. I ddarganfod beth allwch chi fynd i ble, ewch i Gynllun Craff am Wastraff a defnyddiwch y lleolydd ailgylchu ac ailddefnyddio.

Hefyd, mae’r rhan fwyaf o awdurdodau lleol yn fodlon casglu eitemau mawr, swmpus o’ch cartref am dâl bychan. Cysylltwch â’ch awdurdod lleol a gofynnwch am wybodaeth.

 

Ydych chi eisiau cymryd cyfrifoldeb am ansawdd eich amgylchedd lleol? Yna cymerwch ran yn y prosiect Trefi Taclus.

Mae’r prosiect yn helpu cymunedau i fabwysiadu’r mannau gwaethaf am wastraff a’u hadfer i’w harddwch blaenorol. Mae’r prosiectau a ymgymerwyd gan grwpiau’n cynnwys:

• Codi sbwriel a glanhau  
• Cynnal a chadw llwybrau
• Rheoli twyni  
• Gosod meinciau
• Creu safleoedd picnic
• Clirio a rheoli rhywogaethau ymledol
• Gwella mynediad i’r anabl
• Datblygu gerddi a rhandiroedd cymunedol  
• Cynnal amnestau gwastraff  
• Rheoli cynefinoedd a bioamrywiaeth  
• Gwella mynwentydd

I ddod o hyd i fwy ewch i Gadw Cymru’n Daclus..